वासिङ्टन डीसी । अध्यागमनका अधिकारीहरूले अमेरिकामा बसिरहेका एक पुरुषलाई त्रुटिवश एल साल्भाडोर डिपोर्ट गरे । यसरी डिपोर्ट गरिएका व्यक्तिलाई अमेरिका फर्काउन नसकेको घटनाप्रति अमेरिकी न्यायाधीशले ट्रम्प प्रशासनका अधिकारीलाई गाली गरेका छन् ।
अमेरिकी जिल्ला न्यायाधीस पाउला सिनिसले सोमबार मध्यराति भित्रमा किलमार अबेर्गो गार्सियालाई अमेरिका फर्काउन आदेश दिएकी थिइन् । आइतबार उनले पुनः आफ्नो आदेश दोहोर्याउँदै एउटा ओपिनियन जारी गरेकी थिइन् । कानुनी अधिकार बिनै गार्सियालाई थुतेर डिपोर्ट गरिएको सिनिसको भनाइ छ ।
यो अवस्थालाई उनले अन्तःस्करणलाई झिँगल्ने गम्भीर गल्ती भनेकी छिन् । एल साल्भाडोरको जेलबाट ग्रासियालाई निकालेर ल्याउने अधिकार नभएको भन्दै उनलाई फर्काउन नसकिएको ट्रम्पका अधिकारीहरूले तर्क गरिरहेका छन् । सिनिसको आदेशलाई खारेज गराइदिन अमेरिकाको न्याय मन्त्रालयले पुनरावेदन अदालतसँग अनुरोध गरेको छ ।
यस विषयमा पुनरावेदन अदालतले आइतबार फैसला सुनाउँदैछ । एल साल्भाडोरको कुख्यात जेलमा ट्रम्प प्रशासनले २३८ जान भेनेजुएली र २३ जान एल साल्भाडोरेलीहरूलाई डिपोर्ट गरेको छ । गार्सिया यिनैमध्ये एक हुन् ।
अमेरिकी अध्यागमन न्यायाधीशे ग्रासियालाई २०१९ मै अमेरिकामा कानुनी सुरक्षा दिएका थिए । तर अध्यागमनका अधिकारीहरूले झुक्किएर उनलाई डिपोर्ट गरेका थिए ।
