हेटौँडा उपमहानगरपालिकाकी मेयर मिना लामाले एक सैलुन उद्घाटनका क्रममा ‘यहाँ गर्मी रहेछ, एसी जडानको लागि उपमहानगरपालिकाको तर्फबाट सहयोग गर्छु’ भन्ने वाचा गरेकी थिइन् ।
एसी सहयोग गर्ने वाचापछि, सैलुन सञ्चालकले उपमहानगरसँग एसी र इन्भर्टर माग गर्दै निवेदन दिए।
उपमहानगरले त्यसअनुसार लागत अनुमान गर्न तोक लगाएपछि सो पत्र अहिले सामाजिक सञ्जालमा भाइरल भएको छ ।
प्रयोगकर्ताहरूले निजी व्यवसायलाई यति प्रकारको सहयोग गर्नु सुशासनविरुद्ध भएको भन्दै आलोचना गरिरहेका छन्।
