काठमाडौँ । कलाकार दीपकराज गिरीले हाल चर्चामा रहेको अडियो प्रकरणबारे आफ्नो आधिकारिक धारणा सार्वजनिक गरेका छन्। उनले सामाजिक सञ्जालमार्फत एक लामो स्ट्याटस लेख्दै आफूमाथि लागेका आरोपहरूको खण्डन गरेका हुन्।
गिरीका अनुसार, यो अडियो करिब एक वर्ष पहिलेको हो। चलचित्र निर्माणमा व्यस्त रहेका बेला एकाएक उनीमाथि गाली गलौच र बहिष्कारको धम्की आउन थालेपछिको अवस्थामा भएको छलफलको भिडियो अहिले सार्वजनिक गरिएको उनले बताएका छन् ।
उनले सन्तोष सेनले रोहित अधिकारीलाई बिहानदेखि फलो गरेको र उनीहरू बसेको ठाउँमा मान्छे लगाएर अनुगमन गरेको भिडियो प्राप्त गरेपछि आफू छक्क परेको समेत बताएका छन्।
उनले रोहित अधिकारीले त्यो फुटेज र आफूहरूलाई फलो गरेको भिडियो छिट्टै सेयर गर्ने जानकारी दिएका छन्।
