काठमाडौँ । नेपाली ब्याटर सन्दीप जोरा हालै सम्पन्न हङकङ सिक्सेस प्रतियोगिताको उत्कृष्ट ब्याटर घोषित भएका छन् । उनले ५ खेलमा सर्वाधिक १७६ रन बनाउन सफल भएका हुन् ।
सन्दीपले ८८ को औसतले रन बनाउँदै एक अर्धशतक पनि बनाएका थिए । उनको स्ट्राइक रेट ३५२ रहेको थियो । उनले यस क्रममा ७ चौका र प्रतियोगिताकै सर्वाधिक २३ छक्का प्रहार गरे ।
पाकिस्तानले जितेको प्रतियोगितामा नेपाल पहिलो खेलमा अफगानिस्तानसँग १७ रनले पराजित भएको थियो । दोस्रो खेलमा टोली दक्षिण अफ्रिकासँग ४ विकेटले पराजित हुनपुग्यो ।
तेस्रो खेलमा श्रीलङ्कासँग ३ विकेटले स्तब्ध भएको नेपालले भारतलाई भने कीर्तिमानी ९२ रनले हराउन सफल भएको थियो ।
त्यस्तै, मोहमद आदिल आलम सबैभन्दा धेरै क्याच लिने खेलाडी बनेका छन् । उनले प्रतियोगितामा ७ वटा क्याच लिएका थिए । त्यस्तै नेपालकै रासिद खानले सर्वाधिक ९ विकेट लिए ।
