पटना । बिहार विधानसभा चुनावमा कलाधर प्रसाद मण्डलले सबैभन्दा धेरै र राधा चरण साहले सबैभन्दा कम मतान्तरले जित हासिल गरेका छन्।
रुपौली सिटबाट जेडीयूका कलाधर प्रसाद मण्डलले कुल १ लाख २४ हजार ८२६ भोट पाए। उनले ७३ हजार ५७२ भोटको ठुलो अन्तरले आफ्नी निकटतम प्रतिद्वन्द्वी आरजेडीकी बीमा भारतीलाई हराए। भारतीले ५१ हजार २५४ भोट पाएकी थिइन्।
यसैगरी, सन्देश सिटबाट जेडीयूका राधा चरण साहले सबैभन्दा कम मतान्तरले जित दर्ता गरे। साहले आरजेडीका दीपू सिंहलाई मात्र २७ भोटको अन्तरले हराएका हुन्। राधा चरण साहले ८० हजार ५९८ भोट पाएका थिए भने दीपू सिंहले ८० हजार ५७१ भोट हासिल गरे।
रामगढबाट बीएसपीको टिकटमा चुनाव लडेका सतीश कुमार सिंह यादवले पनि धेरै कम अन्तरले चुनाव जितेका छन् ।
उनले बीजेपीका अशोक कुमार सिंहलाई मात्र ३० भोटले हराएका छन्। सतीश कुमारले ७२ हजार ६८९ भोट पाएका थिए भने अशोक कुमारले ७२ हजार ६५९ भोट प्राप्त गरे। यसपटकको बिहार चुनावमा रामगढ बीएसपीले जितेको एक मात्र सिट हो।
