काठमाडौँ । चर्चित गायिका अन्जु पन्तले आफूसँग पैसा लिएर पनि फिर्ता नदिने व्यक्तिलाई नाम सार्वजनिक गर्ने चेतावनी दिएकी छन् । उनले सामाजिक सञ्जालमा एकपोष्ट गर्दै यस्तो चेतावनी दिएकी हुन् ।
नेपाली साङ्गीतिक क्षेत्रका एक चर्चित व्यक्तिले आफूसँग पैसा लिएर पनि फिर्ता नदिएको उनको उनको भनाई छ ।
आफ्नो पैसा लानेलाई फटाहा सम्बोधन गर्दै उनी लेख्छिन्, ‘नेपालको संगीतक्षेत्रमा नाम चलेका एकजना महासयले १५ दिनमा दिन्छु भनेर लगेको मेरो पैसा भोलि दिन्छु, पर्सी दिन्छु भन्दै भाका राख्दा राख्दै ५ महिना कटिसक्यो । अझै भाका राख्न छोडेका छैनन् । आजपनि भाका नै राखेका छन् । अव के गरौँ ?’
उनले नाम, फोटो भिडियो सार्वजनिक गरी कानुनी कारबाहीमा जानैपर्ने बाध्य होला जस्तो भन्दै त्यो अवस्था नआउन के भन्नुहुन्छ तपाईँहरू भन्दै फ्यानसँग सल्लाह सुझाव समेत मागेकी छन् ।
