एजेन्सी । अमेरिकाको उत्तरी क्यारोलिनास्थित आइरेडेल काउन्टीमा निजी व्यवसायिक जेट विमान दुर्घटनाग्रस्त हुँदा पूर्व नास्कार रेसिङ चालक ग्रेग बिफलसहित ७ जनाको मृत्यु भएको छ ।
दुर्घटनाले अमेरिकी मोटरस्पोर्ट समुदायसहित सर्वसाधारण नागरिकसमेत शोकमा डुबेका छन् ।
अन्तर्राष्ट्रिय सञ्चारमाध्यमका अनुसार उक्त विमान उत्तरी क्यारोलिनाको एउटा विमानस्थलबाट फ्लोरिडातर्फ उडान भरेको केही समयपछि नै खराब मौसमका कारण फर्किन खोज्दा दुर्घटनामा परेको हो ।
