काठमाडौ । सञ्चारमन्त्री जगदीश खरेलले ललितपुर–२ बाट प्रतिनिधिसभा चुनाव लड्ने तयारी गरेका छन् ।
रास्वपा स्रोतका अनुसार सभापति रवि लामिछाने सँगको निर्णायक छलफलपछि खरेललाई उक्त क्षेत्रबाट उम्मेदवार बनाउने सहमति भएको हो ।
चुनावी संकेत दिँदै खरेलले ललितपुरमा आयोजित पत्रकार सम्मेलनमा भावी सरकारमा सञ्चारकर्मीको प्रतिनिधित्व आवश्यक रहेको बताएका छन् ।
उम्मेदवारी दर्ताको अन्तिम तयारीमा जुटेका खरेलले माघ ६ गतेअघि नै मन्त्री पदबाट राजीनामा दिने तयारी गरेको निकट स्रोतले जनाएको छ ।
