काठमाडौँ । श्रम संस्कृति पार्टीका अध्यक्ष हर्कराज राईले जेनजी आन्दोलनको सम्बोधन गर्न जेनजी समूहकी रुवी कुमारी ठाकुरलाई उपसभामुखको उम्मेदवार बनाएको बताएका छन् ।
शुक्रबारको प्रतिनिधि सभामा उपसभामुखको उम्मेदवारबारे धारणा राख्दै सांसद राईले भने, ‘हाम्रा उम्मेदवार जेनजी हुनुहुन्छ । अहिले यो अवस्था जेनजी आन्दोलनका कारण आएकाले उहाँलाई उम्मेदवार बनाएका हौँ ।’
राईले जनताबाट निर्वाचित भएर आएकाहरूलाई होच्याउने काम नगर्न पनि उनले सांसदहरूलाई आग्रह गरे।
उनले भने, ‘जनताबाट निर्वाचित भएर आएकाले कसले कसलाई के भनेको थियो, कस्तो मर्यादा राख्छ त्यो हामीलाई थाहा हुन्छ । कोही माननीयले रुवी बहिनी भनेको पाइयो, त्यो खारेज गर्न माग गर्दछु । ज्येष्ठ नागरिकलाई अपमान गरेको पनि पाइयो, त्यसो गर्न हुँदैन । ज्येष्ठ उमेरलाई अपमान गर्ने छैनौँ भन्ने आशा छ ।’
