काठमाडौं । रास्वपाले लेखा समितिको सभापति कांग्रेसलाई दिने निर्णय गरेको छ ।
सिंहदरबारमा बसेको संसदीय दलको बैठकले उक्त निर्णय लिएको हो ।
प्रतिनिधिसभाका संसदीय समितिका सभापतिका लागि आज मनोनयन दर्ता हुँदैछ ।
उता कांग्रेसले लेखा समितिको सभापतिमा मोहन आचार्यलाई अघि सार्ने तयारी गरेको छ ।
यसैबीच लेखा समितिको सभापतिमा एमाले र नेकपाले कांग्रेस उम्मेदवारलाई सघाउने निर्णय भएको नेकपा प्रमुख सचेतक युवराज दुलालले जानकारी दिए ।
