बारा । डिभिजन वन कार्यालय बाराले पूर्व–पश्चिम राजमार्गको अमलेखगञ्ज सडकखण्डमा डोजर चलाएको छ ।
अतिक्रमणमा परेको सडक, वन र निकुञ्जको जग्गा खाली गर्ने शुक्रबार बिहान ७ बजेदेखि नै राजमार्गको ३ नम्बर पुल क्षेत्रमा डोजर चलाइएको हो ।
उक्त क्षेत्रमा रहेका ३५ वटा घरधुरी र लामो समयदेखि बन्द रहेको सामुदायिक विद्यालयको संरचना भत्काइएको छ ।
डिभिजन वन कार्यालय बाराको नेतृत्वमा सुरु भएको सो क्षेत्रमा ठुलो सङ्ख्यामा नेपाल प्रहरी, सशस्त्र प्रहरी बल, वन रक्षक तथा पर्सा राष्ट्रिय निकुञ्जका कर्मचारीहरू परिचालन गरिएका छन्।
