नयाँ दिल्ली । भारतको मध्य प्रदेशस्थित बाँधवगढ टाइगर रिजर्भमा अचम्मको घटना घटेको छ । एक जना गोठालोको ज्यान उनका आफ्नै भैँसीहरूले बचाएका छन् । जानकारी अनुसार, यो सम्पूर्ण घटना बन्धवगढ बाघ आरक्षको मानपुर रेन्जको नौगवान बीट र पानपाठा कोर क्षेत्रमा भएको हो ।
पीडित रामनरेश सिंह आफ्ना छ वटा भैँसी चराउन वन क्षेत्रमा गएका थिए । यसैबीच, झाडीबाट बाघ निस्कियो र रामनरेशलाई झम्टियो । अचानक भएको यो आक्रमणबाट गोठालो डराए । बाघको आक्रमणले उनको हातमा गहिरो चोट लाग्यो । ज्यान जोगाउन उनले भएभरको बल लगाएर हार गुहार गरे ।
उनको आवाज सुनेपछि नजिकै चरिरहेको भैँसीको बथान तुरुन्तै उनी भएतिर दौडिए । भैँसीको हुलले बाघलाई सामूहिक रूपमा आक्रमण गरे । अचानक भैँसीहरू आक्रामक रूपमा आउँदै गरेको देखेर बाघ आत्तियो र पछि हट्यो । त्यसपछि रामनरेशलाई छोडेर घना जङ्गलमा बिलायो
घटनाको बारेमा वन विभागलाई तुरुन्तै जानकारी गराइएको थियो । यसपछि बन्धवगढ बाघ आरक्षको टोली घटनास्थलमा पुगे । घाइते रामनरेशलाई प्राथमिक उपचारको लागि तुरुन्तै मानपुर सामुदायिक स्वास्थ्य केन्द्रमा लगियो ।
अस्पतालमा अहिले उनको उपचार भइरहेको र उनको अवस्था स्थिर रहेको बताइएको छ । वन विभागको टोलीले घटनास्थलको निरीक्षण गरेको छ र घटनाको बारेमा पूर्ण जानकारी सङ्कलन गरेको छ ।
