काठमाडौँ। पश्चिम नवलपरासी स्थित रामग्राम नगरपालिकामा प्रहरीले गोली चलाएको छ ।
लागुऔषध नियन्त्रण ब्यूराेबाट खटिएको टोलीले लागुऔषध कारोबारीमाथि गोली प्रहार गरेको हो ।
ब्यूरोको भैरहवा शाखाबाट खटिएको प्रहरीले टोलीले दुई जना भारतीय नागरिकलाई पक्राउ गरेको छ । पक्राउ पर्नेहरूको विवरण सार्वजनिक गरिएको छैन ।
भारतीय लागुऔषध कारोबारीहरूलाई नियन्त्रणमा लिने क्रममा ४ राउण्ड फायर गरिएको लागुऔषध नियन्त्रण ब्यूरका एक जना अधिकृतलेबताए ।
ब्यूरो स्रोतका अनुसार प्रहरीले १५८ ग्राम लागुऔषध खैरो हेरोइन बरामद गरेको छ।
