काठमाडौं । धार्मिक स्थल गोसाइँकुण्डको तीर्थयात्राका क्रममा मुक्तिनाथ विकास बैंकमा कार्यरत बिजेता अवाले र उनकी छोरीको मृत्यु भएको छ ।
मुक्तिनाथ विकास बैंकको नयाँ बानेश्वर शाखामा कार्यरत अवालेको गोसाइँकुण्ड तीर्थयात्राका क्रममा मृत्यु भएको बैंकले जनाएको छ । घटनामा उनकी छोरीको समेत मृत्यु भएको बैंकले उल्लेख गरेको छ ।
घटनाको थप विवरण तथा मृत्युको कारणबारे विस्तृत जानकारी आउन बाँकी रहेको छ ।
बैंकले अवाले र उनकी छोरीको निधनप्रति दुःख व्यक्त गर्दै शोकसन्तप्त परिवारजनमा समवेदना प्रकट गरेको छ ।
