काठमाडौं, १८ असोज । रुपन्देहीको तिलोत्तमा नगरपालिका–१७ दरखसवाबाट हराएकी १० वर्षीया बालिका सकुशल फेला परेकी छन् ।
बालिका हराएको सूचनापछि प्रहरीले खोजतलास गर्ने क्रममा असोज १६ गते तिलोत्तमा–१० चक्रहवा जंगलबाट उनलाई सकुशल फेला पारेको थियो ।
बालिका अपहरणमा संलग्न रहेका तिलोत्तमा–१० शान्तिनगरका अन्दाजी २७ वर्षीय युवराज थारुलाई असोज १८ गते राति दरखसवास्थित धानबारीबाट नियन्त्रणमा लिने क्रममा प्रहरीले घुँडामुनि गोली प्रहार गरेको हो ।
गोली लागेर घाइते भएका थारुको लुम्बिनी प्रादेशिक अस्पताल, बुटवलमा उपचार भइरहेको छ । घटनाबारे इलाका प्रहरी कार्यालय, बुटवलबाट थप अनुसन्धान भइरहेको जनाइएको छ ।
