काठमाडौं, १९ कात्तिक । अमेरिकी चुनावको नतिजापछि विश्व बजारमा कच्चा तेलको मूल्य घट्ने क्रम जारी छ।
व्यापारीहरूले अमेरिकी मध्यावधि चुनावको नतिजाले इरानसँगको युद्धको अन्त्य गर्न वा तनाव कम गर्न कदम चाल्न सक्ने आशा राखेका छन्।
बिहीबार दिउँसो एसियाली बजारमा ब्रेन्ट कच्चा तेलको मूल्य ०.९ प्रतिशतले घटेर प्रति ब्यारेल ९३.७४ डलरमा पुगेको छ।
अमेरिकी बजारमा कारोबार भएको कच्चा तेल लगभग १.५ प्रतिशतले घटेर प्रति ब्यारेल ८६.८३ मा झरेको छ। यसअघि बुधबार कच्चा तेलको मूल्य ८ प्रतिशतभन्दा बढीले घटेको थियो।
अमेरिकी उपराष्ट्रपति जेडी भान्सले चुनावमा रिपब्लिकन पार्टीको पराजयको लागि इरान युद्धका कारण इन्धनको मूल्यमा भएको वृद्धिलाई दोष दिए। यसअघि, कच्चा तेलको मूल्य दुई महिनामा सबैभन्दा कम स्तरमा पुगेको थियो।
