कहिलेकाहीँ हाम्रो एक्कासि खुट्टा बाउँडिन्छ । हामीलाई खुट्टाको पिँडुला फर्किने समस्याले सताउँछ । समस्या समान्य नै भएपनि खुट्टा फर्किँदा शारीरिक पीडा अत्यन्तै हुन्छ ।
खुट्टाको तिघ्रानिर वा पिँडुलाको मासु पल्टनु वा अर्कोतर्फ सर्नुलाई सामान्य बोलीचालीको भाषामा खुट्टा पल्टिनु, बाउँडिनु वा खुट्टा फर्किनु भनिन्छ ।
पल्टिएको ठाउँमा मासुको डल्लो जम्मा हुनुका साथै दुखाइ महसुस हुन्छ । तिघ्राको मासु पल्टिने अवधि केही समयदेखि धेरै मिनेटसम्म हुने गर्छ ।
दुखाइ कम भएपछि एकै ठाउँ डल्लो परेको मासु ठिक ठाउँमा आउन केही समय लाग्ने गर्छ । सबै उमेरका मानिसहरूमा यो समस्या देखिन्छ । प्रायः अधबैँसे तथा बूढाबूढीमा यो समस्या बढी देखिने गर्छ ।
यसकारण आज हामी खुट्टा बाउँडिने समस्या के कारणले हुन्छ भन्ने सन्दर्भमा जानकारी गराउँछौ ।
–शरीरमा रक्त सञ्चार राम्ररी नभएमा
–शरीरमा पानीको कमीले
–पोटासियमको कमीले
–पोषक तत्त्वको अभाव
–लामो समयसम्म उभिँदा
–गर्भवती हुँदा
–हाइपोथाइराइड
–मधुमेह
–मद्यपान
कसरी बच्ने
–प्रशस्त पानी पिउने, फलफूलको रस र दालको रस पनि पिउने,
–सकेसम्म मद्यपान नगर्ने, कफी र सोडा नपिउने,
–सुत्नुअघि खुट्टालाई तन्काउँदा यो समस्या कम हुन सक्छ । सुत्नुअघि १० मिनेट साइकल चलाउँदा पनि खुट्टा फर्किने समस्या रोकिन्छ ।
–लगातार लामो समय नउभिने । अप्ठ्यारो गरेर नबस्ने साथै अप्ठ्यारो गरेर नसुत्ने ।
–सुत्दा नरम ओछ्यान प्रयोग गर्ने ।
–खुट्टा फर्किएको ठाउँमा तातोले सेक्ने । तातोले खुम्चिएको मासु छिटो फुक्न सहयोग गर्छ ।
–पोटासियम, क्याल्सियम र म्याग्नेसियम धेरै भएका खानेकुरा प्रशस्त खाने गर्नुपर्छ ।
