चीनलाई हराउँदै भारतले महिला एसियन च्याम्पियन्स ट्रफीको उपाधि जितेको छ।
बुधबार भारतीय राज्य बिहारको राजगिरमा भएको फाइनल खेलमा भारतले चीनलाई १–० ले हराउँदै उपाधि जितेको हो।
फाइनल खेलमा ३१औँ मिनेटमा पेनाल्टी कर्नरबाट गरेको गोल नै भारतको जितका लागि निर्णायक बन्यो।
खेलको अन्तिम मिनेटमा चिनियाँ टोलीले गोल गर्न सक्दो प्रयास गरे पनि भारतीय डिफेन्सलाई छेक्न सकेन।
यो प्रतियोगितामा भारतीय महिला हक्की टोलीले एउटा खेल पनि हारेन।
भारतीय टोलीले यो उपाधि लगातार दोस्रोपटक जितेको भारतीय सञ्चारमाध्यमले उल्लेख गरेका छन्।
