काठमाडौँ । लामो, बाक्लो र चम्किलो कपालको लागि हामी कयौँ हेयर ट्रिमेन्ट गर्छौ । बजारमा उपलब्ध अनेकौँ सामान प्रयोग गर्छौ । तर धेरैलाई यस्ता सामाग्री सुहाउँदैन । अनि घरेलु उपाय अपनाउँछन् । यी उपायहरूमा कपालमा अण्डाको प्रयोग पनि पर्छ ।
अण्डा लगाउँदा कपाललाई धेरै फाइदा पुग्छ भनेर हामीले प्रायः सुनेका छौँ । अण्डामा प्रचुर मात्रामा भिटामिन ई हुन्छ र यसमा प्रोटिन, क्याल्सियम, सेलेनियम, म्याग्नेसियम, फस्फोरस र पोटासियम जस्ता पोषक तत्त्वहरू पनि पाइन्छ । यसको प्रयोगमा जति फाइदा छन्, उती नै नोक्सान पनि छन् ।
आजको यस लेखमा हामी तपाईँलाई कपालमा अन्डा लगाउँदा हुने फाइदा र हानीबारे कुराकानी गर्नेछौँ ।
कपाललाई पोषण दिन्छ
कपाललाई पोषण दिन चाहनुहुन्छ भने अण्डाको प्रयोग गर्नुस् । अण्डामा प्रचुर मात्रामा प्रोटिन हुन्छ, जसले कपालको जरालाई मजबुत बनाउँछ र टुक्रनबाट बचाउँछ ।
कपाल चम्किलो हुन्छ
अण्डाको प्रयोगले कपाललाई नरम र चम्किलो बनाउँछ । कपाललाई कन्डिसनिङ गर्न चाहनुहुन्छ भने अण्डाको प्रयोग गर्न सकिन्छ । यसले कपाल निकै चम्किलो बनाउँछ ।
चायाँ कम हुनेछ
अण्डामा पाइने इन्जाइमले कपालको जराबाट मृत छाला हटाउन मद्दत गर्छ, जसले गर्दा चायाँ पनि डन्ड्रफ कम हुन्छ । तपाईँले हप्तामा दुई पटक आफ्नो कपालमा अण्डा प्रयोग गर्न सक्नुहुन्छ ।
अहिलेसम्म हामीले कपालमा अन्डा लगाउँदा हुने फाइदाबारे कुरा गर्यौ । अब यसका केही बेफाइदा थाहा पाइराख्नुस् ।
कपालमा दुर्गन्ध
अण्डा लगाएपछि कपालबाट अनौठो गन्ध आउन सक्छ । यो गन्ध कपाल धुँदा पनि जाँदैन । कहिलेकाहीँ यो गन्धले तपाई अप्ठ्यारोमा पर्न पनि सक्नु हुन्छ ।
एलर्जी
धेरै मानिसहरूलाई अण्डाको एलर्जी हुन्छ । कपालमा लगाएपछि टाउको चिलाउने, पोल्ने वा बिबिरा आउने पनि हुन सक्छ । तपाईँले अण्डा प्रयोग गर्नु भयो तर लगाउने बित्तिकै टाउको चिलचिलाउने समस्या देखियो भने तुरुन्तै धोइहाल्नुस् ।
तैलियपना बढाउँछ
कपाल तैलीय छ भने तपाईँले अण्डा प्रयोग गर्नु हुन्न । तैलीय कपालमा अण्डा लगाउँदा झनै तैलिय बन्छ । यसले गर्दा कपालमा फोहोर पनि जम्मा हुन थाल्छ ।
