काठमाडौं,१७ असोज । एकाएक अस्वस्थ भएपछि उपचारको लागि नेपालगञ्ज भर्ना भएका माओवादी केन्द्रका सचिव डिलाराम आचार्यलाई काठमाडौं ल्याउने तयारी भएको छ ।
पार्टीको तीन महिने ‘जनतासँग माओवादी’ नामक विशेष कार्यक्रमअन्तर्गत अछामको समीक्षा बैठकमा सहभागी हुन पुगेका आचार्य एकाएक अस्वस्थ भएका थिए । उनलाई प्यारालाईसीसको आशंका गरिएको छ ।
बुधबार बिहान ६ बजे एक्कासि बोली बन्द भएर शरीरको दाहिने भाग नचलेपछि बयलपाटा अस्पतालमा सामान्य उपचार गरेर सेनाको हेलिकोप्टरबाट नेपालगञ्जको कोहलपुर मेडिकल कलेजमा भर्ना गरिएको हो।
त्यहाँका पनि डाक्टरले तत्काल उपचार सम्भव नभएको बताएकाले उनलाई काठमाडौं ल्याउन लागिएको हो ।
माओवादी केन्द्रका सचिव डिलाराम आचार्य अस्वस्थ, हेलिकप्टरबाट नेपालगञ्ज ल्याईयो ।
