काठमाडौं । पद्मकन्या क्याम्पस (पीके) को स्ववियु निर्वाचनमा स्वतन्त्र प्यानल विजयी भएको छ।
नेविसंघले टिकट नदिएपछि बागी उम्मेदवार बनेकी भूपेश्वरी ऐर नेतृत्वको प्यानलले जित हासिल गरेको हो। अध्यक्ष पदमा ऐरले ७३० मत प्राप्त गर्दा नेविसंघकी आधिकारिक उम्मेदवार पूर्णिमा परियारले ३७९ मत मात्र पाएकी छन्। ऐर यसअघि स्ववियुकी सचिव थिइन्।
उनी कांग्रेस महामन्त्री गगन थापा निकट मानिन्छिन्। उनका समूहबाट सचिवमा सन्ध्या बस्याल र कोषाध्यक्षमा संकल्पिका थापा विजयी भएका छन्।
