अत्तरिया: कैलालीमा ४ वर्षीया बालकमाथि हँसिया प्रहार गरिएकाे छ । घाेडाघाेडी नगरपालिका-५ काे देउकलिया बस्ने हरि कडेलकाे ४ वर्षीय छाेरा प्रेममाथि हँसिया प्रहार भएको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्र सिंह बाेहराले प्रेम आगनमा खेलिरहेको अवस्थामा बाजे नाता पर्ने ४० वर्षीय अर्जुन कडेलले पराल र भुषा राखेकाे काेठमा लगेर गर्धनमा हँसिया प्रहार गरेकाे पाइएको बताए ।
बालकलाई घाेडाघाेडीमा सामान्य उपचारपछि थप उपचारका लागि धनगढी ल्याइएको छ ।
हँसिया प्रहार गर्ने अर्जुन कडेललाई प्रहरीले नियन्त्रणमा लिएकाे छ । उनी मानसिक रूपमा अस्वस्थ रहेकाे बुझिएको प्रहरीकाे भनाइ रहेकाे छ ।
