काठमाडौँ । अभिनेता आर्यन अधिकारीले इन्गेजमेन्ट गरेका छन् । उनले शुक्रबार भक्तपुरको दुवाकोट निवासी अनिषा केसीसँग इन्गेजमेन्ट गरेका हुन् ।
दुवैले केही समयको प्रेमलाई विवाहमा परिणत गर्न लागेका हुन् ।
इन्गेजमेन्टमा दुवै तर्फका परिवार र आफन्तको सहभागीता थियो । विवाह भने असारमा हुने छ ।
आर्यनले फिल्म ‘के म तिम्रो होइन र’ बाट फिल्मी यात्रा सुरु गरेका थिए । अमेरिकामा रहँदै आएका आर्यनले ‘बटरफ्लाई, बाँध मायाले’ लगायतका फिल्ममा काम गरिसकेका छन् ।
