झापा । प्रतिनिधि सभा निर्वाचन अन्तर्गत झापा क्षेत्र नम्बर २ मा पूर्वउपसभामुख इन्दिरा राना मगरले फराकिलो अग्रता लिएकी छन् ।
जारी मतगणनाको पछिल्लो परिणाम अनुसार राष्ट्रिय स्वतन्त्र पार्टीकी उम्मेदवार इन्दिराले ५ हजार ९९४ मत प्राप्त गर्दै अग्रता लिएकी हुन् ।
एमालेका उम्मेदवार तथा पूर्वसभामुख देवराज घिमिरेले जम्मा ९६९ मतमात्र प्राप्त गरेका छन् । उनी ५ हजारभन्दा बढी मतान्तरपछि पछि परेका छन् ।
सो क्षेत्रमा श्रम संस्कृति पार्टीका केशव कुमार भण्डारीले ९२८ मत प्राप्त गर्दा नेपाली कांग्रेसकी सरिता प्रसाईले ५९० मत प्राप्त गरेकी छन् ।
यहाँ राप्रपाका भद्रप्रसाद नेपालले ३६६ र नेपाली कम्युनिस्ट पार्टीकी धर्माशिला चापागाईले ११३ मत पाएका छन् ।
