एजेन्सी । उत्तर कोरियाले शनिबार बिहान प्योङयाङ नजिकैबाट करिब १० वटा छोटो दूरीका ब्यालिस्टिक मिसाइल पूर्वी सागरतर्फ प्रहार गरेको छ।
दक्षिण कोरिया र अमेरिकाबीच जारी ‘फ्रिडम शिल्ड’ नामक संयुक्त सैन्य अभ्यासको विरोधमा उत्तर कोरियाले यो शक्ति प्रदर्शन गरेको हो। यी मिसाइलहरूले करिब ३५० किलोमिटर दूरी तय गरेका थिए।
यो परीक्षण यस्तो समयमा भएको छ जब अमेरिका मध्यपूर्वको युद्धमा व्यस्त छ र दक्षिण कोरियाबाट केही मिसाइल प्रतिरक्षा प्रणाली (THAAD) अन्यत्र सारिने चर्चा चलेको छ।
दक्षिण कोरियाली राष्ट्रपति कार्यालयले यसबाट रक्षा स्थितिमा असर नपर्ने बताए पनि उत्तर कोरियाले यसलाई ‘आक्रमणको पूर्वाभ्यास’ भन्दै कडा चेतावनी दिएको छ।
हालै दक्षिण कोरियाली प्रधानमन्त्रीले अमेरिकी राष्ट्रपति डोनाल्ड ट्रम्पसँग भेट गरी कूटनीतिको आशा व्यक्त गरे तापनि किम जोङ उनले रुससँगको सैन्य सम्बन्ध र इरानप्रतिको समर्थनलाई प्राथमिकता दिँदै परमाणु हतियारको अडान कायमै राखेका छन्।
