काठमाडौं, ६ बैशाख । बलिउड अभिनेत्री दीपिका पादुकोणले आइतबार आफ्नो दोस्रो गर्भावस्थाको घोषणा गरेकी छिन्।
दीपिका र रणवीरको इन्स्टाग्राम ह्यान्डलमा छोरी दुआले गर्भावस्था परीक्षण किट बोकेको तस्बिर सेयर गरिएको छ, जसले सकारात्मक नतिजा देखाएको छ।
तस्बिरमा रणवीरले आफ्नी छोरीलाई काखमा लिएका छन्, यद्यपि उनको अनुहार भने देखिँदैन र तस्बिरमा छोरी दुआको अनुहार पनि आधा देखिन्छ।
यसपछि दीपिका र रणवीरको पोस्टमा धेरै सेलिब्रेटीहरूले प्रतिक्रिया दिएका । अभिनेत्री निम्रत कौरले लेखेकी छिन्, ‘बधाई छ, तपाईंहरू दुवै खुशी हुुनुहोस ।’
दीपिका र रणवीरले गत ८ सेप्टेम्बर २०२४ मा आफ्नी छोरी दुआको जन्मिएको घोषणा गरेका थिए । त्यतिबेला उनीहरूले लेखेका थिए, ‘स्वागत छोरी।’
दीपिकाको गर्भवती भएको घोषणा यसअघि फेब्रुअरी २०२४ मा गरिएको थियो। दीपिका र रणवीरले धेरै वर्षसम्म सम्बन्धमा रहे पछि २०१८ मा इटालीमा विवाह गरेका थिए।
