काठमाडौँ । चर्चित कमेडियन प्रभात लामाले पछिल्लो समय सामाजिक सञ्जालमा देखिएको ‘अन्धभक्त’ प्रवृत्तिमाथि कडा प्रहार गरेका छन्। प्रधानमन्त्री बालेन शाह र नेकपा एमालेका अध्यक्ष केपी शर्मा ओलीका समर्थकहरूले गर्ने बचाउको शैलीलाई तुलना गर्दै लामाले आक्रोश व्यक्त गरेका हुन्।
दुःखद घटना गणेश नेपालीको सन्दर्भलाई लिएर सामाजिक सञ्जालमा भइरहेको बहसका विषयमा लामाले दुवै एउटै भएको बताएका छन् । उनले हिजोका दिनमा केपी ओलीका कमजोरी लुकाउने र आज बालेन शाहका कमजोरी ढाकछोप गर्ने एउटै भएको टिप्पणी गरेका छन्।
आफ्नो फेसबुक पोस्टमा लामाले लेखेका छन्, `हिजो केपी ओलीले गोली हानेको हो र? भनेर बचाऊ गर्ने र आज बालेनले आगो लगाको हो र ? भनेर बचाऊ गर्ने दुवै एउटै हो। फरक यत्ति हो एउटा ‘झोले’ र अर्को ‘झोले प्रोम्याक्स’ हुन्।´
उनले गणेश नेपालीप्रति भावपूर्ण श्रद्धाञ्जली अर्पण समेत गरेका छन् ।
