बझाङ । खप्तडछान्ना गाउँपालिका–७ गोर्खालीका ३३ वर्षीय जितेन्द्र खड्का च्याउ टिप्न जंगल गएका बेला बेपत्ता भएका छन्।
भदौ २३ गते बिहान लहरे सामुदायिक वनको डाँडाकोट क्षेत्रमा च्याउ टिप्न गएका खड्का ६ दिन बितिसक्दा पनि घर फर्किएका छैनन्।
मोबाइल नेटवर्क नभएको सीमावर्ती क्षेत्रमा परिवार, आफन्त र स्थानीयले खोजी गरिरहेका छन्। परिवारले प्रहरी, प्रशासन र स्थानीय तहसँग खोजी तीव्र बनाउन आग्रह गरेको छ।
