काठमाडौँ । नेपाली कांग्रेसको १५औँ महाधिवेशनको तयारीसँगै नेता डा. शेखर कोइराला तटस्थ भूमिकामा देखिएका छन् । पूर्वउपसभापति धनराज गुरुङसहित उनका निकट केही नेताहरू भने सभापति गगन थापा नेतृत्वको महाधिवेशन प्रक्रियामा सहभागी हुने भएका छन् ।
गुरुङसहित किरण यादव, चन्द्रमोहन यादव, कृष्णचन्द्र नेपाली, दीपक गिरी र रुक्मिणी कोइरालालगायत नेता महाधिवेशन प्रक्रियामा सहभागी हुने एक कांग्रेस पदाधिकारीले बताएका छन् ।
यता शेखरनिकट बद्री पाण्डे, सञ्जय गौतम र सरिता प्रसाईँ भने अहिलेसम्म सहभागी नहुने पक्षमा रहेको बताइएको छ ।
शेखर कोइरालाले भने पार्टीभित्रको विवाद वार्ता र संवादबाट समाधान गर्नुपर्ने बताउँदै आफू मध्यमार्गी भूमिकामै रहने बताएका छन् ।
