काठमाडौं । नेपाली कांग्रेसको १५औँ महाधिवेशनअन्तर्गत खुला सहमहामन्त्री पदको मतगणनामा रामहरि खतिवडाले अग्रता कायम गरेका छन्। हालसम्मको मतपरिणामअनुसार खतिवडाले ७६८ मत प्राप्त गरेका छन्।
उनलाई अजय सिवाकोटीले पछ्याइरहेका छन्। सिवाकोटीले ५४८ मत प्राप्त गर्दा डिल्लिराज सुवेदीले ४३९ मत पाएका छन्।
त्यस्तै, देवेन्द्रराज कँडेलले ३३४, विकास कोइरालाले २८४, राजीव ढुंगानाले २५३ र रमेशप्रसाद धमलाले २०५ मत प्राप्त गरेका छन्। यसैगरी, अमृतकुमार अर्यालले १७६ र विमलराज क्षेत्रीले ६१ मत पाएका छन्।
