बारा ।बारामा मोटरसाइकल दुर्घटनामा परि एक प्रहरी जवानको मुत्यु भएको छ ।
शनिवार बिहान ज १२ प ७१५४ नम्बरको मोटरसाइकल अनियन्त्रित भइ दुर्घटना हुँदा कञ्चनपुरको महेन्द्रनगरस्थित भीमदत्त नगरपालिका–११ का प्रहरी जवान आकाश सुनारको मृत्यु भएको हो । उनी इलाका प्रहरी कार्यालय निजगढ बारामा कार्यरत रहेका थिए ।
निजगढ नगरपालिका–८ बाट जितपुरसिमरा उपमहानगरपालिका–१६ काँठगाटतर्फ मोटरसाइकल चोरी गरी लैजाँदै गरेको गोप्य सूचनाका आधारमा खोजतलास गर्दै जाने क्रममा सुनारको मोटरसाइकल दुर्घटना भएको हो ।
टाउको, अनुहार र शरीरका विभिन्न भागमा चोट लागेर गम्भीर घाइते भएका उनको उपचारका क्रममा एलएस न्यूरो अस्पतालमा ज्यान गएको नेपाल प्रहरीले बताएको छ ।
