काठमाडौँ । प्रहरीले पठाओ र इनड्राइभका ४८ जना राइडरहरुलाई पक्राउ गरेको छ ।
‘अफलाइन ड्राइभ’ गरेको भेटिएपछि उनीहरूलाई शनिबार काठमाडौँका विभिन्न ठाउँबाट पक्राउ गरिएको जिल्ला प्रहरी परिसर काठमाडौँका सूचना अधिकारी (एसपी) कुमोध ढुंगेलले रातोपाटीलाई बताए ।
अफलाइन मोटरसाइकल चलाउँदा सुरक्षा चुनौती बढेको प्रहरी अनुसन्धानको निष्कर्ष छ । अफलाइन चालकहरूलाई काउन्सिलिङपछि रिहा गरिने एसपी ढुंगेलले बताए । उनले भने–‘सम्बन्धित कम्पनीमा उनीहरूले अफलाइन चलाएकोबारे जानकारी दिएर रिहा गर्छौँ ।’
अफलाइनमा यात्रा नगर्न प्रहरीले सर्वसाधारणलाई आग्रह गरेको छ ।
