काठमाडौं । जनकपुरधामको एक गेस्ट हाउसभित्र महिला र पुरुष मृत भेटिएका छन् ।
रामानन्द चोकस्थित होटल होलिडे एण्ड गेस्ट हाउसमा उनिहरु झुण्डिएको अवस्थामा फेला परेका हुन् ।
मृत भेटिनेमा लोहारपट्टी नगरपालिका–४ महोत्तरीकी २५ वर्षीया प्रियंका कापर र पिपरा गाउँपालिका–३ महोत्तरीका ३१ वर्षीय हितेन्द्र पासवान छन् । महिला विवाहित हुन् भने युवक अविवाहित रहेको प्रहरीले जनाएको छ ।
प्रहरीका अनुसार ती महिला छोरीलाई लिएर युवकसँग ३–४ दिनदेखि सो होटलमा बसिरहेकी थिइन् । महिलाकी छोरी भने सकुशल रहेको बताइएको छ ।
