काठमाडौँ । बलिउड गायक राधव माथुर नेपाल आउने भएका छन् । आगामी शुक्रबार अर्थात १७ मेमा होटल सोल्टी क्राउन प्लाजमा आयोजना हुने ‘लाइभ राधव’ कार्यक्रमका लागि उनी नेपाल आउन लागेका हुन् ।
क्यानाडाली गायक राधवका हिन्दी तथा अंग्रेजी थुप्रै गीत हिट छन् । उनलाई निज्जा इन्टरटेनमेन्टले उनलाई नेपाल ल्याउन लागेको हो । नेपाली दर्शक श्रोतालाई विश्व चर्चित गायकबाट नेपाली दर्शकलाई सांगीतिक मनोरञ्जन दिलाउने उदेश्यले राधवलाई नेपालमा लाइभ प्रस्तुति ल्याउन लागेको आयोजक संस्था निज्जा इन्टरटेनमेन्टका नाजिर हुँसेनले बताए । उनले सांगीतिक कार्यक्रमले नेपालको प्रर्यटन प्रवर्धनमा समेत मद्दत पुग्ने विश्वास व्यक्त गरे ।
राधवले कार्यक्रमा आफ्ना चर्चित हिन्दी तथा अंग्रेजी गीत सुनाउँछन् । उनका तेरी बातोमा ऐशा उल्झा जिया, डेस पार्डाे, एन्जल आईज्, लेट्स वर्क इट आउट लगायत थुप्रै बाहिर आएका छन् । कार्यक्रमको टिकट पार्टनर इसेवा रहेको छ ।
