काठमाडौँ । काठमाडौँको थलीमा मृत अवस्थामा भेटिएका पुरुषको पहिचान खुलेको छ ।
शव भक्तपुरको छालिङ्ग ठेगाना भएका कृष्ण नगरकोटीको भन्ने पुष्टि भएको जिल्ला प्रहरी परिसर काठमाडौँको एकजना अधिकृतले बताए ।
शव पोस्टमार्टमका लागी त्रिवि शिक्षण अस्पतालमा पठाइएको छ । थलीबाट साँखुतर्फ जाने उकालोमा बिहान करिब साढे ५ बजेतिर उनी मृत भेटिएका हुन् ।
घटनास्थलमा फेला परेको सवारी चालक अनुमति पत्रको आधारमा शव पहिचान गरिएको अनुसन्धानमा संलग्न अधिकृतहरू बताउँछन् ।
