काठमाडौँ । नेकपा (माओवादी केन्द्र) का अध्यक्ष पुष्पकमल दाहाल प्रचण्डले केपी ओली नेतृत्वको सरकारलाई भारत र चीनले नरुचाएको बताएका छन् । पार्टी केन्द्रीय कार्यालय पेरिसडाँडामा शनिबार बसेको पार्टीको स्थायी कमिटीको बैठकमा अध्यक्ष प्रचण्डले सो कुरा बताएका हुन् ।
बैठकमा अध्यक्ष प्रचण्डले पछिल्लो राजनीतिक समीकरण आन्तरिक रुपमा नबनेको बताए । उनले भने, ‘आन्तरिक रुपमा यो समीकरण बनेको होइन । छिमेकीको पनि हात छैन । तेस्रो देशको हात छ ।’
उनले यो सरकारले निकास दिन नसक्ने बताउँदै छिट्टै आन्दोलन हुने समेत बताए । अध्यक्ष प्रचण्डले वृहत् वामपन्थी एकताका लागि पहल गर्ने र स्पष्ट कार्यदिशाका साथ जनतामा जाने प्रस्ताव समेत राखेका छन् ।
