काठमाडौँ । उपसभामुख इन्दिरा रानामाथि महाअभियोग लगाउने चर्चाकाबिच राष्ट्रिय स्वतन्त्र पार्टी (रास्वपा)का सभापति रवि लामिछाने प्रधानमन्त्री केपी शर्मा ओलीलाई भेट्न बालुवाटार पुगेका छन् ।
सभापति लामिछाने केहीबेर अघि बालुवाटार छिरेको स्रोतले जनाएको छ । मंगलबार बसेको प्रतिनिधि सभा बैठकमा उपसभामुख इन्दिरा रानाले संसद् सचिवालय समेतलाई थाहा नदिई पदीय दुरुपयोग गर्दै अमेरिकी दूतावासलाई पत्र लेखेको भन्दै सांसदहरूले राजीनामा माग गरेका थिए ।
संसदमा रानाबारे कुरा उठेपछि पोखरामा पुगेका लामिछाने मंगलबार काठमाडौँ फर्केर प्रधानमन्त्री ओलीसँगको भेटका लागि बालुवाटार पुगेका हुन् ।
