क्रिकेट एसिया कप आज अर्थात् बुधवारदेखि सुरु भइरहेको छ । पहिलो खेल मुल्तानमा नेपाल र पाकिस्तान बीच हुनेछ ।
यसैबीच बुधवार बिहान आएको खबर अनुसार बङ्गलादेशका विकेटकिपर ब्याट्सम्यान लिट्टन दास एसिया कपमा खेल्न सक्ने अवस्थामा छैनन् ।
लिट्टनको स्वास्थ्य अवस्था ठिक नभएको र उनलाई ज्वरो आइरहेको खबरमा उल्लेख छ । लिट्टनको साटो अब अनामुल हक बिजोयलाई टिममा समावेश गरिएको छ ।
बिजोयले ४४ वनडे म्याचमा १२५४ रन बनाएका छन् । यसमा तीन शतक पनि समावेश छ ।
बङ्गलादेश र श्रीलङ्काबीच एसिया कपको पहिलो खेल ३१ अगस्ट (भोलि) खेलिनेछ ।
