काठमाडौं । काठमाडौं महानगरपालिकाले नगर प्रहरीका ४२ जना हवल्दार निलम्बन गरेको छ ।
असईको फुली लगाएपछि महानगरले उनीहरुलाई कारबाहीस्वरुप निलम्बन गरेको हो ।
२५ असारमा महानगरपालिकाले नगर प्रहरी हवल्दारलाई तेस्रो तहबाट चौथो तहमा बढुवा गरेको थियो ।
ती हवल्दारले आफूहरु असईमा बढुवा भएको ठानी असईको फुली लगाएका थिए । तर उनीहरु बढुवा भएर असई भएका थिएनन् । सोही कारबाहीस्वरुप उनीहरुलाई निलम्बन गरिएको महानगरले जनाएको छ ।
