दाङ — तुलसीपुरमा शनिबार श्रीमान्-श्रीमती मृत फेला परेका छन् ।
सल्यानको त्रिवेणी गाउँपालिका-४ फालाबाङ घर भई हाल तुलसीपुर-९ बेलुवामा बस्दै आएका अन्दाजी २७ वर्षीय सुशील भण्डारी र उनकी अन्दाजी २३ वर्षीया श्रीमती पवित्रा डाँगी कोठाभित्रै मृत फेला परेको इलाका प्रहरी कार्यालय तुलसीपुरका प्रवक्ता प्रहरी निरीक्षक नवराज केसीले जानकारी दिए ।
ढोका बन्द गरेको अवस्थामा कोठाभित्रै दुवै जना मृत फेला परेको उनले बताए। श्रीमान पंखामा झुन्डिएको र श्रीमती खाटमा मृत फेलापरेको प्रहरी निरीक्षक केसीले बताए ।
बिहान अबेरसम्म पनि नउठेपछि घरबेटीले प्रहरीलाई खबर गरेका थिए । पवित्राको शरीरमा चोट देखिएको र घटनाबारे थप अनुसन्धान भइरहेको प्रहरीले जनाएको छ ।-दुर्गालाल केली/कान्तिपुर
