काठमाडौं । नेपाली कांग्रेसका सभापति शेरबहादुर देउवासहित शीर्ष नेताहरु प्रधानमन्त्री पुष्पकमल दाहाल प्रचण्डसँग छलफल गरेका छन् । कोशीमा गठबन्धनले माओवादी इन्द्र आङ्वोलाई मुख्यमन्त्री बनाउने निर्णयविरुद्ध कांग्रेस नेता शेखर कोइरालाले विद्रोह गरेपछि नेताहरु बालुवाटार पुगेका हुन् ।
कोइरालाले आफू निकट केदार कार्कीलाई एमालेको समर्थनमा दाबी पेश गर्न लगाएका छन्। बालुवाटार बैठकमा प्रधानमन्त्री प्रचण्डले कांग्रेसबाट सर्वसम्मत भएर जसको नाम आएपनि आफू मान्न तयार रहेको बताएको एक नेताले बताए ।
बैठकमा सहभागी एक नेताले भने, ‘उहाँले कांग्रेस विवाद देखिएको छ । कांग्रेसले उम्मेवादर सर्वसम्मत गराउँछ। हामी सर्मथन गछौं । तर, हाम्रो हुनुपर्छ भन्ने छैन ।’
