काठमाडाैं । आजबाट (आइतबार) दशैं शुरु भएकाे छ । आइतबारबाट घटस्थापना तथा नवरात्र शुरु भएकाे छ । घटस्थापनादेखी दशैं शुरु भएको मानिन्छ ।
नेपालमा सबैभन्दा बढी बिदा हुने चाड दशैैं हो । विगत वर्षहरुमा दशैंका लागि एक हप्ता बढी बिदा हुने चलन थियो । तर यो बिदा विस्तारै कटौती हुँदै आइरहेको छ ।
यसपालिको दशैंमा पाँच दिन सार्वजनिक बिदा हुने भएको छ । फुलपातीको दिन शनिबार परेका हुँदा पाँच दिन सार्वजनिक बिदा हुने भएको छ ।
कार्तिक ५ गतेदेखि ९ गतेसम्म दशैंका लागि सार्वजनिक बिदा हुने भएको छ । ५ गते अष्टमी, ६ गते महानवमी, ७ गते विजयादशमी र ९ गते त्रयाेदशीसम्म सार्वजनिक बिदा हुने भएको छ ।
