दमास्कस । सिरियाली विमानस्थलमा इजरायलले गरेको आक्रमणमा दुई जनाको मृत्यु भएको बताइएको छ । सिरियाली सरकारी सञ्चारमाध्यमका अनुसार इजरायली मिसाइलले देशका दुई मुख्य विमानस्थललाई निशाना बनाएको छ ।
सिरियाली अरब समाचार एजेन्सीले दमास्कस र एलेप्पोको अन्तर्राष्ट्रिय विमानस्थलमा आक्रमण भएको जनाएको छ। यस हमलामा एयरपोर्टका रनवेमा क्षति पुगेको छ, त्यसपछि यहाँ उडानहरू रोकिएका छन्।
सिरियाली सरकारको मौसम विज्ञान महानिर्देशनालयलाई उद्धृत गर्दै समाचार एजेन्सी रोयटर्सले दमास्कस विमानस्थलमा कम्तीमा दुई जनाको मृत्यु भएको जानकारी दिएको छ। सिरियाको दमास्कस र एलेप्पो एयरपोर्ट यात्रुहरूले मात्र प्रयोग गर्दैनन् तर सैन्य एयरपोर्टको रूपमा पनि प्रयोग गरिन्छ।
कथित रूपमा, यी एयरपोर्टहरूको सहयोगमा इरानी हतियारहरू हिजबुल्लाहलाई पठाइँदै थियो। सिरिया र लेबनानमा हिजबुल्लाह निकै शक्तिशाली छ । गत हप्ता पनि इजरायलले यी दुवै विमानस्थललाई निशाना बनाएको थियो ।
