एजेन्सी – भारतका शिर्षक्रमका ब्याटर विराट कोहली एकै विश्वकपमा सर्वाधिक रन बनाउने ब्याटर बनेका छन् । विश्वकप २०२३ को पहिलो सेमिफाइनल खेलमा न्युजिल्यान्डविरुद्ध ८० रन बनाएसँगै उक्त कीर्तिमान बनाएका हुन् ।
कोहलीले जारी विश्वकपमा १० खेलमा ६ सय ८० रन बनाइ सकेका छ्न् । यश अघि एकै विश्वकपमा सचिन तेन्तुलकरले २००३ को विश्वकपमा ६ सय ७३ रन बनाएका थिए ।
अस्ट्रेलिया म्याथु हेडनले २००७ को विश्वकपमा ६५९ र रोहित शर्माले २०१९ मा ६ सय ४८ रन बनाएका थिए ।
वानखडे स्टेडियम मुम्बईमा टस जितेर पहिला ब्याटिङ रोजेको भारतले ३६ ओभरमा १ विकेट गुमाउदै २ सय ६५ रन बनाएको छ । कोहली ८६ र श्रेयस ऎर ४९ रनमा खेलेका छन् ।
