पोखरा । पोखरामा अबदेखि निजी गाडी भाडामा लगाउन नपाइने भएको छ । लेकसाइड र अन्य क्षेत्रमा व्यक्तिहरुले निजी गाडीलाई भाडामा राख्ने गरेका थिए ।
विभिन्न पसलहरुमा निजी गाडी, मोटरसाइकल र स्कुटर भाडामा राखेको सूचना बोर्ड प्रहरीले हटाइदिएको छ ।
वडा प्रहरी कार्यालय बैदाम र पोखरा महानगरपालिकाको टोलीले ४५ भन्दा बढी पसलबाट बोर्ड हटाएर निजी सवारी साधन भाडामा नलगाउन सचेत गराइएको हो ।
‘बाइक अन रेण्ट’ लेखिएका ५५ वटा बोर्ड हटाइएको जिल्ला प्रहरी कार्यालय कास्कीका इन्स्पेक्टर भुवन बरामले जानकारी दिए ।
