काठमाडौँ । ‘मिस युनिभर्स नेपाल २०२३’ जेन दीपिका ग्यारेट स्वदेश फर्किएकी छन् । अमेरिकाको एल साल्भाडोरमा आयोजित ‘मिस युनिभर्स २०२३’मा सहभागीको क्रममा उनले प्लस साइज मोडलको रुपमा चर्चा कमाएकी थिइन् ।
प्रतियोगितामा भने उनी टप २० मा सीमित रहिन् । दीपिकालाई त्रिभुवन अन्तर्राष्ट्रिय विमानस्थलमा सचेतनाका निर्देशक सरोज ओझाले राष्ट्रिय झण्डा ओडाएर, बुकि, माला र खादासहित स्वागत गरे ।
दीपिकाले नेपालको प्रतिनिधित्व गर्दै ‘मिस युनिभर्स’ जस्तो प्रतिष्ठित अन्तर्राष्ट्रिय मञ्चमा प्रस्तुत हुन पाउँदा आफूलाई गर्व महशुस भएको बताइन् ।
‘मिस युनिभर्स २०२३’ मा सहभागितासँगै दीपिकाले ‘प्लस साइज मोडल’को रूपमा अन्तर्राष्ट्रिय मिडियामा चर्चा बटुली रहेकी छिन् । २३ वर्षिया दिपिकाले मानसिक स्वास्थ्य, सकारात्मक सोच र हर्मोनल स्वास्थ्यको पक्षमा आफ्ना धारणा राख्दै आएकी छन् ।
