काठमाडौं : चेकजाँच गर्ने बहानामा एक चिकित्सकले युवतीलाई दुर्व्यवहार गरेको आरोप लागेको छ । ग्रान्डी अस्पतालका डाक्टर जसवन शाक्यविरुद्ध जिल्ला अदालत काठमाडौंमा उजुरी दर्ता भएको हो ।
उनले स्वास्थ्य परीक्षण गर्न एक नाबालिगमाथि यौन दुर्व्यवहार गरेको उजुरीमा उल्लेख छ ।
असोज ३ गते परामर्श र स्वास्थ्य परीक्षणका लागि जाँदा उनले महिला नर्स वा अन्य सहायक कर्मचारी अनुपस्थितिमा नाबालिगको भित्री वस्त्र तानेर गुप्ताङग नियाली भद्दा र अश्लील टिप्पणी गरेको उजुरीमा उल्लेख छ ।
डा. शाक्यको व्यवहारविरुद्ध पीडितले ग्रान्डी अस्पतालमा जानकारी गराएपछि अस्पतालले शाक्यलाई निकालिसकेको छ ।
उजुरीमा गरिएको दाबी अदालतबाट पुष्टि भएमा शाक्यमाथि तीन वर्षसम्म कैद सजायको फैसला हुनसक्छ ।
