तपाईंलाई सर्पले डस्यो भने के गर्नुहुन्छ ? आम मानिसले दिने सोझो उत्तर हुन्छ, उपचार गर्छु । तर, केही यस्ता मानिस पनि हुन्छन्, जसले आफूलाई टोक्ने सर्पसँग बदला लिने पनि सोच्छन् ।
एउटा यस्तै, सुन्दा पनि अचम्म लाग्ने घटना भारतीय गुजरातको महीसागर जिल्लाअन्तर्गत सन्तरामपुर तहसील गाउँमा घटेको छ ।
सन्तरामपुरका ६० वर्षीय पर्वत गाला नामका बृद्धलाई सर्पले डसेको थियो । सर्पले डसेर आक्रोसित बनेका पर्वतले उल्टै सर्पलाई टोकिदिए ।
स्थानीयका अनुसार पर्वतले आफूलाई डस्ने सर्पलाई समातेर उसको टाउको डाँतले चपाइदिएका थिए । पर्वतको टोकाइबाट शरीरभरि विष फैलिएपछि एकछिनमै सर्प मर्यो ।
सर्पको डसाइबाट पर्वतको शरीरमा पनि जहर फैलिएको थियो । सर्प मरेको केही बेरमै पर्वतको पनि मृत्यु भयो ।
स्थानीयले पर्वतलाई अस्पताल पु¥याएका थिए । तर, चिकित्सकहरुले उनलाई मृत घोषित गरिदिए ।
