मुम्बई । आमिर खानले दिवङ्गत अभिनेत्री सुहानी भटनागरका आमाबुवालाई फरीदाबादमा भेटेका छन् । सुहानीले दंगलमा आमिरको अन-स्क्रिन छोरीको भूमिका निभाएकी थिइन् ।
सुहानीले पहलवान बबिता फोगाटको बाल्यकालको भूमिका निभाएकी थिइन् । १७ फेब्रुअरीमा शरीरमा पानी जमेर सुहानीको मृत्यु भएको थियो । उनको निधनमा देशभरका जनताले शोक व्यक्त गरेका छन् ।
दंगलमा उनीसँग काम गरेका सबै कलाकारले दुःख व्यक्त गरेका छन् । यसैबिच आमिर खानले सुहानी भटनागरका अभिभावकलाई भेटेर दुःख व्यक्त गरेका हुन् ।
सुहानी भटनागरको परिवारसँग आमिर खानको तस्बिर भाइरल भइरहेको छ । तर यो तस्बिर आमिरका लागि समस्या बनेको छ । तस्बिरमा आमिर सुहानीका आमाबुवा र परिवारका अन्य सदस्यहरूसँग सुहानीको फ्रेम गरिएको तस्बिरको छेउमा उभिरहेका छन्। आमिर र सुहानीकी आमाले यो फ्रेम समातिरहेकी छिन् ।
तस्बिर सार्वजनिक मानिसहरूले आमिर खानलाई ट्रोल गर्न थाले । वास्तवमा, आमिर फोटोमा मुस्कुराउँदै देखिएका छन्। जहाँ सुहानीका बुवा हात जोडेर शिर निहुराएर उभिरहेका छन् । यो कुरा सामाजिक सञ्जाल प्रयोगकर्तालाई मन परेन । एक प्रयोगकर्ताले प्रश्न गरेका छन्, ‘उनी किन हाँसिरहेका छन्?’
