काठमाडौं । संसारमा यस्ता थोरै मानिस होलान् जसले कसैको हराएको महत्त्वपूर्ण चिज फेला पारेपछि इमानदारीका साथ फिर्ता गर्छन्। त्यस्ता व्यक्तिहरूले अक्सर प्रशंसा र कहिलेकाहीँ पुरस्कार पनि पाउँछन्।
हालै चीनको ग्वाङ्डोङ प्रान्तकी एक महिलाले एक पुरुषको हराएको मोबाइल फेला परेपछि उनले इमान्दार भएर फिर्ता गरिन् । यस्तो अवस्थामा जब व्यक्तिले उनलाई बदलामा इनाम दिए, उनी निकै खुसी भइन्। तर यो इनामले नै उनलाई पुलिस बोलाउन बाध्य बनायो।
उनले हराएको आईफोनको मालिकलाई एक दिन अगाडि नै फिर्ता गरेको र पुरस्कारस्वरुप ३ हजार १ सय युआन रहेको रातो प्याकेट पाएको बताइन् ।अर्को दिन प्याकेट खोल्दा त्यसमा बैंक क्लर्कहरूले पैसा गन्ने अभ्यासमा प्रयोग गर्ने नक्कली नोट भएको खुलासा भयो ।
महिलाले पुलिसलाई फोन गरेर भनिन् – यो “लज्जास्पद” थियो। पुलिसले फोनको मालिकलाई सम्पर्क गर्यो, जसले नक्कली पैसा जानाजानी महिलालाई दिएको स्वीकार गरे। हुनान जिन्झाउ ल फर्मका वकिल यी सुले मिडिया आउटलेट जियाओजियाङ मर्निङ हेराल्डलाई नक्कली पैसा पुरस्कारको रूपमा दिइको बताए।
ती महिलाले आफूले इनाम नमागेको दाबीगरिन्, तर एक स्थानीय अधिकारीले अनलाइन मिडिया आउटलेट जिमु न्यूजलाई भनेअनुसार महिलाले सुरुमा फोन फिर्ता गर्न अस्वीकार गरेको भन्दै फोनका मालिक आक्रोशित भएका थिए ।
चीनको नागरिक संहिताले कुनै पनि हराएको सम्पत्ति फेला पार्नेले त्यसको जानकारी दिनुपर्छ र समयमै मालिकलाई फिर्ता गर्नुपर्छ भनेको छ। कानुनअनुसार मालिकले भेट्टाइदिनेलाई इनामको रूपमा “आवश्यक खर्च” तिर्नु पर्छ पनि भनेको छ । तर भेटाउनेले सामान आफैसँग राख्यो भने उसलाई पुरस्कार दाबी गर्ने अधिकार हुँदैन।
